AhlulBayt News Agency (ABNA):
YEWTERE SERIIFU ALI KHAMANA’II (YO ALLA ƁOYNU ƁE)
Tippude e ko mojobere saakitay nde khabaruuji Ahlul bayti en wi’eteende (Abnaa), hooreeɓe reolisiyon Islamiki on Aayatullaahi seriifu Ali Khamana’ii yewtii yewtere nde ɓe fewtini e hajjijankooɓe ɓen (e nder ndee hitaande ɗoo) nde ɓe yewti e nder mu’un fii ñaawooje e janndeeji fii hajju waɗɗii ɗi hajjiyankoɓe ɓen e piiji hulɓinii ɗi sutii ɗi mofte ɗen tentinii yejjitugol fii fiyaake fii Palafestiinu on e ko honno fii makko haanaa heɓɓitaneede, ko ɓannginnɓe wonnde huwwondiral ngal leyɗe aababu e Ameriki woni e waɗude fii jittugol jiɓiliɓi Palestiindu (wi’etee ngal safghatul gharnu) natataa hay e huunde bubu liimaanu e finned sellunde nde sukaaɓe falsetiinu wonu ɓe dartaade ɓen jogii.
E nder ko woni e arude ɗoo kon e hinoɗoo yewtere maɓɓe timmunde nden:
En fuɗɗorii innde Alla jooma yurmeende huuɓunde e hertii nde.
Yottoore woodanii Alla jooma yurmeende huuɓunde e hertiinde, yo o juulu e nelaaɗo makko tedduɗo hoolaaɗo, Muhammadu timmoode annabaaɓe ɓen e ɓeynguure maɓɓe laɓɓinaaɓe tentinii Almaami Maadiyyu e wonndiɓe maɓɓe suɓaaɓe ɓen e wattuɓe e pakke maɓɓe haa ñannde darngal.
Pellet hewtitugol saa’I hajju on e nder hitaande bee ko yurmeende Alla wonu nde e mofte ɗen, ɓaawo pellet Alghur’aano hino noddi ɓanngini e aayeeje mu’un ɗen (noddu yimɓe ɓen e fii Hajju on), ɗun non ko noddaandu moftu ndu yimɓe ɓen fow e nder taariika on fow fii tawegol yumeende nden e fiiyo ɓe heɓir barki mayre on ɓerɗe maɓɓe ɗen e wonkiiji maɓɓe ɗin ka Alla seniiɗo on.. e fii yo janndeeji heɗotoo ɗi e Hajju on e nder hitaande bee hewtu e tuɗɗere leydi ka julɓe ɓen woni ton fow e laawol on jamaa wonuɗo e arude hajjugol.
Pellet non laawol jantagol Alla ngol e jiyankaaku ngun ko ɗun woni dayyere himmunde nden fii ne’ugol neɗɗo e jamaa ɓanta fii maɓe kamɓe ɗiɗo, ɗun aray ka hajju wattude e hawtondirngol e wonugol huunde wootere taway ɗun ko ɗun woni maande mofte goote, hara hino takkondiri e fewtugol nokkuure wootere, fonndo gooto-huunde ko mbaadinta markere memminagol mofte juɓe ɓen e yahugol ɗe hoore dayyere tawhiidi nden-ɗun le ko e hoore tawugol hajjiyankooɓe ɓen fow hino fota hagghee, ɓurdindingol alaa hakkunde maɓɓe-huunde tinndinay nde wonnde nooneeji leyyi leyyi ɗin fow ittaama- ɗun ɗoo fow hino holli mojobere dayye ɗe jamaa julɓe ɓen yowitii e mu’un, taway ɓe hino weeɓitaa . kala golle e golleeji Hajju ɗin-immorde e horminagol e wanngagol e dogugol hakkunde safaae marwa e daragol Arafa e bugagol sanamuuji ɗin, deyyinagol e memminagol-hino mbaadidinni seeɗa e mbaadi ndi lislaamu on mbaadinani jamaa mu’un moyyo on.
Wano tawiri kadi okkindirgol pehe e faamuuji hakkunde jamaaji aruɗi iwi e leyɗe e nokkeeli woɗɗondir ɗi, saakita faamondiral e yanngiiji, woɓɓe e maɓɓe annda alhaaliiji woɓɓe, ittugol anngal nantondiral ko woni hakkunde maɓɓe kon, ɓannindira ɓerɗe maɓɓe ɗen e mooɓindirgol dooleeji ɗi ɓe mari fii dartagol ayɓe ɓe ɓe kafi ɓen, ɗii ɗoo piiji fow hino ilntee polgal moola ngal mole ngal Hajju ngun woni e waɗude, tawale ko huunde nde tawata heɓaade e laawol e nder tummbondire teemeɗɗe noddetee ɓe.
Pellet non hino jeyaa e barkiiji mawɗi wonu ɗi ka hajju taway ɗi newnanay jamaaji julɓe tooñaaɓe ɓen, ko tummbondiral fii danndagol waɗetee ngol ka hajjungol, ko woni ɗun non ko danndagol e kala lamɓe bewɓe ɓen sifori immorde e hunyugol e tooñugol e bonki , wano tawiri kadi ɗun hino firi dartagol ko yimɓe townitii ɓe Aduna on woni e waɗugol immorde e doolugol e hunyugol. Pellet non danndagol fedde sirku e keeferaaku ngu tawata ko yimɓe townitiiɓe ɓen mbaadinii e mayre, hino e hoore maɓe Ameriki, ɗun ko firi hannde ko danndagol e warugol tooñaaɓe ɓen e haɗugol waɗugol hareeji ɗin, wano tawiri kadi ɗun hino firi nanngitirgol fedde teeroosiki wi’etee nde Taa’es e veto Ameriki on, ko ɗun firi ko sonnkugol mofte julɓe ɓen yeeso israyel wonuɓe e warude paykoy e ɓen iwtirɓe ɓaawo maɓɓe hino wallude ɓe, ko ɗun firi ko nangitirgol Ameriki e wallooɓe ɓen fii waɗugol hareeji e nder tuɗɗere Leydi hirnaange Aasi e funnaange nano Afriki, ko hareeji taway ɗi hewtinii jamaaji majji on e satteende feyyitunde nde wowlotaako, ñannde bee hiɗi ɓeydaade. Dun hino firi danndagol e leyyi-leyyi wonaa ɗi ewaɗeede tippude e tuɗɗere leydi maa e noonee neɗɗanke on, ɗun ko firi ko danndagol e njikku townitaare soɓunde nde leyɗe bewɗe wonu ɗe tutude fitinaaji liddu nnjikku moyyu ngu lislaamu on noddi julɓe ɓen e mu’un.
Dun ɗoo ko seeɗa e barkiiji ɗi Hajju ngun mari ɗi lislaamu on noddi en e mu’un, ɗun non ko markere mbaadinii nde e feccere ɗuuɗunde e faamuuji jamaa julɓe ɓen, ɓaawo pellet ɗun ko waɗay ɗun e nder hitaande bee immorde hajju ngun, buy e mofte julɓe ɓen tawee fii noddugol fow-e ɗenngal laaɓungal-e wakkilagol fii heɓugol sifa oo jamaa ɗoo.
Pellet non jannguɓe ɓen e nder tuɗɗere julɓe ɓen -ɗe tawta woɓɓe e maɓɓe hino iwi e leyɗe seeduɗe ari tottugol hajju-hino mari donngal moolanaa ngal, sabu hitte maɓɓe ɗen e golleeji ɗi ɓe woni e waɗude ɗin, ɗii janndeeji hino haanaa naɓaneede jamaji ɗin fow, haa hewta jamaaji ɗin fow, fii tawu ngal jokkondiral e okkindirgol pehe e faamuuji ko kamɓe woni sabu mu’un.
Hannde alhaali mo pelestiinu woni e mu’un on hino jeyaa alhaaliiji ɓuru ɗi e himmude e nder leyɗe julɓe ɓen, ko kanko woni yeeso alhaaliiji politiki julɓe ɓen fow, e laawol ngol ɗe woni woo, maa e leñol ngol ɗe woni woo, maa e ɗanngal ngal ɓe yewtata woo, ɓaawo pellet tooñe ɓuruɗe hulɓinaade waɗii e nder ɗee gire jamaanu feyyuɗe ɗoo, ɓaawo kala ko on jamaa marunoo jaɓaama e juuɗe makkoe nder on alhaali muusuɗo, leydi makko ndin, galle makko ɗen gese makko ɗen, jawle makko ɗen e ɓeynguure makko nden e horma makko on, ko yettude Alla non, on jamaa jebbilanaaki tooñe ɓen e fooleede, accaali kadi wakkilagol, himo hikkii yeeso hannde himo dartii e hoore cuucal, ɓuri ko dartinoo hanki, si wonaa tun polgal makko ngal hino hatonnjini e ballal julɓe ɓen fow. Baawo pellet ngal huwwondiral ngal leyɗe aarabu goo e Ameriki woni waɗude fii Palestiinu ko janfa laaɓuka pos, ko bonnere moolanaa nde taway nde wonaa e jamaa paletsiinu on tun haaɓata, ko woni tun bone on hewtay jamaa neɗɗanke on fow.
Pellet non meɗen noddi yimɓe ɓen fow tawtugol soobinoo e fii bonnugol kan janfa ka tawata ko gaño on woni ko jasi nagayka mu’un, en taway pellet barki Alla e aywɓe makko ɗen kaa janfa ɗon e janfaaji goo ɗi tawata ko leyɗe townitiiɗe ɗen woni ɓaawo mu’un fuuyay fululu.
Baawo Alla seniiɗo on hino daali: (kaa ɓe faala janfagol, ko yedduɓe ɓen woni janfotooɓe ɓen).miɗo tori Alla wawɗo lanɗo on yo o hawrinndin e hajjiyankooɓe ɓen fow kawral e yurmeende e aafiya e jaɓaneede dewal ngal.
Seriifu Ali Khamana’ii
..............................................
End/ 257 - 300