AhlulBayt News Agency (ABNA):
Bə ımsornə sori Həcc, hocion iyən Bəroət mərosimi İroni Yolə Rəhbəri mesaj iyən pəyğom.
بسم الله الرّحمن الرّحیم
والحمدلله ربّ العالمین و صلّی الله علی رسوله الکریم الامین، محمّد خاتم النّبیّین، و علی آله المطهّرین سیّما بقیّة الله فی الارضین، و علی اصحابه المنتجبین و من تبعهم باحسان الی یوم الدّین.
Həcci movsım ha sor bo islamiyə ummətiro Pərvərdıqori rəhməti vində vırəy, Ğıroni «وَ اَذِّن فِی النّاسِ بِالحَج» ayə kollektiv dəvət ki tule tarixədə həmmə kəsonış bə ım rəhmətinə surfə dəvət kardedə ta həm Xıdopərəston con iyən dıl və həm ağılmandon diyə iyən nəzə çəy bərəkətonku istifodə bıkon, ijən har sor çı Həcci omutəyon iyən dərson de i dastə cəmaəton bə həmməy islom dınyo bırəso.
Həccədə zikr iyən ibodəti iksir ki inson iyən iştimaiyyəti tərbiyə, inkişof, iyən təali əsli unsure, ibemon və cəmbey kənoədə ki vahidə umməti simvole iyən de vahidə mərkəzi devrədə və de mıştərəkə hədəfış bıə ro bə ico hərəkət karde ki bə tovhidi əsos umməti cəhd iyən hərəkət çəy sir və rəmz hisob bıdə və de həcci bərpoəkəyon bərobərəti iyən çəvon miyonədə farğon nıbey ki diskriminasiyə peqəte iyən bərobərə fırsəti nışonəy qıləy islami iştimaiyəti əsosə prinsiponış qədə şikil iyən forma nışo dodə. Həccədə Ehram, Təvof, Səəy, Vuğuf, Rəmy, Hərəkət və Sukun qıləy simvolinə işarə bə həmonə çokə təsdığ bıə içtimaiyəte ki islam pidəşe.
Yandeku diəro bıə məntəğə iyən kişvəron cəmaəti miyonədə bıə zınə çiyon mıbodilə və oğoəti iyən təcrubəon nığıl karde və yande vəziyətiku xəbədo bey, və yandeku bevəcə dərki pok karde və dılon nez bey və de mıştərəkə dışmeni mubarizə barde xoto zu-ğudrəti ziyod karde, Həcci jimonəbaxşə iyən vey yolə nəticəy ki de çand sa qılə adi və normal iclosi əvoni bədast varde əbıni.
Mışrikonku nifrət elan karde ya həmonə Bəroət mərosim, har zəmoni tağuton həmməy fəsodon, bevəcion iyən berəhmionku nifrət elan karde və həmmə dovrani mistəkbiron zılm və boc tələb karde vədə muğavimət kardeye, Həcci qıləy yolə bərəkəton iyən bo məzlumə mısılmonə millətonro qıləy fırsət. Imruj şırki cəhbə iyən mıstəkbiron çəvon mərkəz iyən sədədə Amerkə kufriku nifrəti elan karde, məzlumon kışte iyən canqtələbionku niftəti elan karde mənoe. Yəni terrorizmi mərkəzon əcumlə İŞİD və Amerkə Blək Vateriku nifrət iyən Bəroəti elan karde. Yəni İslamiyə umməti fəryod bə hırdənəkıştə sionizm rejim və çəy himoyə əkəyon və bəy koməkəkəyon sə. Yəni Asiya Ğərb iyən Afriğa şimol həssasə məntəğədə Amerkə və çəy mıttəfiğon canğtələbion məhkum karde ki milləton renc iyən əzobi bə nəhayət rosnəşone iyən har ruj vey qıvoninə mısibəti bəvon varid kardedən. Yəni bə coğrafiya, irğ iyən pusti ranqi əsos bıə diskriminasiyə iyən rasizmə rəfrotonku nifrət elan karde, Yəni İslamədə dəvət bıə ədolətin iyən pokə nəcibə şərofətinə rəftoron vədə fitnəkor iyən təcavuzkarə ğudrəton xəbis iyən istikboriyə rəftoronku nifrət iyən Bəroəti elan karde.
Imon çı İbrohimiyə Həcci qədə bərəkətonin ki həğiğiyə islom əməni bəy dəvətış karde, və ım çı islamiyə iştimayəti hədəfon vey muhimmə vindənin iyən oşkoə baxşe ki har sor de mısılmonə umum cəmaəti vositə və de Həcci mudiriyət iyən muəllifəti qıləy əzəmətin və de məzmuni pur bıə nımoyişi icod kardedə ki de rəsə sədo həmmə kəsonış bə həmonə iştimoiyəti soxte vanq kardedə.
İslom dınyo elitaon ki çəvonku kali ısət Həcc mərosimədən, vey qıvoninə vəzifə iyən yolə ko çəvon qiədəy, ım dərson bəpe de çəvon səy iyən innovatik cəhdon bə umum iştimaiyəti fik və milləton bırəsi və mənəvi əndişəon, ənqizəon, təcrubəon iyən oğoətion mıbodilə de çəvon vasitə əməli bıbu.
Imruj İslam dınyo qıləy muhimmə məsələ Fələstin məsələy ki de har məzhəb, irğ iyən zıvonışon bıə mısılmonon həmməy siyasi məsələon mərkəz iyən sədədəy. Oxonə əsronədə vey yolə zılmon Fələstinədə icod bıə. Im dardinə macəraədə qıləy milləti həmmy çiyon - çəy sərzəmin, kə, kaştımoni sahə, mol, şəxsiyət iyən ıhtron – mısodirə bıə. Im millət de Xıdo koməki məğlubiyətış ğəbul nıkarde və bə dumo nıştəş ni və ımruj dəvardəyonku vey hərorətin iyən de şucaəti məydonədəy. əmmo ım ko nəticə bə həmməy mısılmonon koməki vabəstəy. Əsri muğavilə plan ki de zalimə Amerkə və çəy xayinə mıttəfiğon hozzı bey holədəy nəinki Fələstin bəlkəm bə bəşəriyəti zidd bıə cinoyəte. Əmə həmmə kəsonımon bo dışmeni ım hiylə məğlub kardeyro bə aktivə iştiroki dəvət kardedəmon və de Xıdo komək iyən ğıvvə muğavimət cəhbə imon iyən iradəon vədə ım muğavilə iyən istikbori cəhbə həmməy co planon bə məğlubiyəti məhkum zıneydəmon.
قال الله العزیز: اَم یُریدونَ کَیدًا فَالَّذینَ کَفَروا هُمُ المَکیدون. صدق الله العلیّ العظیم.
Bo həmməy mehtərəmə hociyon Xıdoku ovandəti, rəhmət iyən afiyəti tələb kardedəm.
Seyd Əli Xamenei
Ğəməri sori 1440, Zil-Həccə manqi 3
Şəmsi sori 1398, Mordad manqi 14.
..........................................
End/ 257