The message of Imam Khamenei to the world Muslims on 2017 Hajj pilgrimage in FULA language

(AhlulBayt News Agency) -

The message of Imam Khamenei to the world Muslims on 2017 Hajj pilgrimage in FULA Language:

____________________________________

En fuɗɗorii innde Alla jooma yurmeende huuɓunde e hertii nde

Yettoore woodanii Alla jooma winndere nden, yo yurmeende Alla e kisal makko wonu e nelaaɗo me’en Muhammadu (s a w) e ɓeynguure maɓɓe laɓɓinaande nden e wonndiɓe maɓɓe suɓaaɓe ɓen.

Mi yettii Alla mawɗo okkuɗo gomɗimɓe ɓen e nder tuɗɗere leydi nden, hikka kadi yahugol Hajju, fii yo ɓe yaru e ɓulli heewuɗi, ɓe nafitora kadi ñalormaaje ɗen e jemmaaje taway ɗe hino mari saa’iiji barkinaa ɗi, ko wano non kadi on alhaali hawniiɗo waaway waylitude ɓerɗe ɗen, laɓɓina wonkiiji ɗin, cuɗa ɗi, e nder koɗagol suudu ndu tawata hino wonndi manngural Alla ngal, ɓe heɓay anndugol saa’iiji ɗi dewe ɗen, kulol Alla ngol, janntagol mo ngol e ɓattagol mo ngol haanaa waɗeede.

Hajju on ko dewal marungal gunndooji ɗuuɗu ɗi e suudu teddundu, taway ndu ko nokku ɓantiiɗo jeyaaɗo e barkiiji Alla e yaltitirɗe aayeeje makko ɗen e hujjaaji makko feeñuɗi ɗin, Hajju on hino waawi waɗude gomɗinɗo e huloowo Alla e miijitotoɗo fii Alla e martabaaji toowuɗi, waɗa mo neɗɗo ɓantiiɗo martaba wonnduɗo e annoora, ko wano non Hajju on hino waawi waɗude mo neɗɗo wonnduɗo e giiɗe ɓernde, cuuco, wakkilliiɗo, waɗoowo jihaadi. E nder banŋeeji ɗin ɗiɗi non e ka banŋe politiki e ka banŋe aaden gooto e jamaa e nder o farilla mo maraa nanndo, hino yaltiti, hannde non julɓe ɓen hino hatonnjini e banŋeeji ɗin ɗiɗi non.

E banŋe goo kadi, ayɓe diina kan, hino huutorde ganndal luggungal, hino bewinnde julɓe ɓen, halka ɓe, e nder banŋee goo kadi, politiki leyɗe heeferɓe ɓen hino waɗude fitinaaji e huɓɓugol yiite hakkunde julɓe ɓen, watta leyɗe julɓe ɓen yiite jahammana e anngal ɓutti e lurral, Hajju on non hino waawi wonude lekki ñawnday ki ɗii nooneeji ɗiɗi jarrabuyeeji mawɗi ɗi mofte julɓe ɓen jarribaa, o laɓɓina ɓerɗe ɗen e konnaakuuji ɗin, o waɗa ɗe e annoora kulol Alla e anndugol mo, o uddita kadi gite yimɓe ɓen fii no ɓe yi’ira piiji yurmu ɗi wonuɗi e waɗude e nder leyɗe julɓe ɓen, o tiiɗina ɓerɗe yimɓe ɓen fii dartagol ɗun, o tabintina teppe ɗen, o hebla juuɗe ɗen e hakkilaaji ɗin waɗugol ɗun.

Hannde anngal ɓutti naatii e nder leyɗe julɓe ɓen, anngal ɓutti ka senngo needi e ka miijo e anngal ɓutti ka senngo politiki, ko woni non sommbo ɗun ko welsindagol me’en ngol e yanirgol ayɓe ɓen e me’en anngal yurmeende, e hoore ɗun kadi ko heeferɓe ɓen yani e me’en kon en golliraali farilla mo farla ɗen on ka senngo diina e ka senngo hakkille, en yejjitiino Alla seniiɗo on hino daali : (Ko ñaaɗuɓe e hoore heeferɓe ɓen) e ko’o daali : (ko yurmondiray ɓe hakkunde maɓɓe), tawi ko hikkata ɗon ko yo ayɓe siyonisti yankooɓe ɓen aru haa naata ka nder leyɗe julɓe ɓen, naada fitina, hiɗen welsindii e wallugol julɓe ɓen Palestiinu, hiɗen jarriboraa hare hakkunde julɓe ɓen e nder leydi Sirii ndin, Iraku, Yemen, Libii, Baharayni, teerooriisi yaangal ngal kadi hino saakitii e nder leydi Afghanisatanu e Pakistan e nokkeeli buy.

hooreeɓe leyɗe julɓe ɓen e politiki yankooɓe ɓen e hooreeɓe diina kan e pinal julɓe ɓen e nder leyɗe julɓe ɓen, hino mari donngal moolanaa ngal : Donngal fottingol jamaa on e rentagol fow hawre leƴƴi-leƴƴi e laawi-laawi wonuɗi e waɗude ɗin, donngal anndingol jamaaji julɓe ɓen laawi ayɓe ɓen e janfagol portooɓe ɓen e Siyonistiiɓe ɓen, donngal heblagol fow fii dartagol ayɓe ɓen e nder banŋeeji buy, ka janforgol ƴoyre e piirugol, donngal dartinngol ko yaawi sut piiji hulɓiniiɗi wonuɗi e waɗude hakkunde leyɗe julɓe ɓen, ko tawata ko ɓuri wonude misal ɓurungal mettude e majji, ko ko woni e waɗude e nder leydi Yemen ndin, ko tawata hino aanini aduna on fow, donngal hiwugol yimɓe ɓe wonaa julɓe wonuɓe e wuurude e nder leyɗe julɓe ɓen ko wano non kadi wallugol julɓe wonaa ɓe e tooñeede e nder leydi Bermee ndin e ɓe wonaa kamɓe, ko ɓuri non himmude e majji ɗi fow ko fii julɓe ɓen Palestiinu walla ɓe, ɓen taway ɓe ko jamaa tawayɗo duuɓi cappanɗe jeeɗiɗi hino dartaade fii leydi mu’un jattaandi ndin.

Dii ɗoo ko golleeji himmuɗi taway ɗi hino waɗɗii en, en fow, jamaaji julɓe ɓen fow hino naani ɗaɓɓirde ɗun hooreeɓe leyɗe maɓɓe ɗen, ko bee kadi mokobaaɓe yaakoraaɓe ɓen wakkiloroo ɓernde laaɓunde fii no ɗun waɗira. Pellet ɗun ko wallugol diina Alla kan sikke alaa e mu’un, tippude e fodoore Alla nden, ballal ngal hino saatii arude.

Dun ɗoo hino jeyaa e janndeeji Hajju ngun, miɗo tanƴinii wonnde on nanay waajitoron.

Mi torike Alla, yo’o arsiku on Hajju jaɓaaɗo, mi yejjitaali kadi fii musiɓɓe me’en feƴƴinooɓe Mina e Makka ɓen, yo Alla okkuɓe darjaaji toowu ɗi ka aljannaaji makko.