The message of Imam Khamenei to the world Muslims on 2016 Hajj pilgrimage in Fulani

The message of Imam Khamenei to the world Muslims on 2016 Hajj pilgrimage in Fulani.

YEWTERE IMAAMU KHAMANAYII NDE ƁE FEWTINI E JULƁE ƁEN FOW FII HAJJU ON E NDER HITAANDE 2016.


Tippude e khabaruuji yaltintee ɗi e ndee yenerde Ahlul bayti –Abnaa-Imaamu Khamanayii-yo Alla ɓoynu ɓe-hooreeɓe rewolisiyon islamiki on hino yewti julɓe ɓen e hajji yankooɓe ɓen yewtere fii Hajju mo tawata ko hollirɗo teddungal e doole mofte julɓe ɓen yeeso yimɓe tooñooɓe Aduna fewndiiɗo on hannde.


Ɓe maaki tippude e faatunndeeji yurmu ɗi waɗunoo ɗi ka Hajju hitaande feƴƴunde, hiɓe tuugi yewtere maɓɓe nden e leyɗe ɗen e jamaaji julɓe ɓen: Leyɗe ɗen e jamaaji julɓe ɓen hino haani anndude laamiiɓe leydi Arabii sawditu ndin moƴƴa, sabu boneeji ɗi ɓe woni e waɗude e nder leyɗe julɓe ɓen, jamaa julɓe ɓen fow miijitoo ko honno ardorta kañun Makka e Madiina e fii Hajju ngun.
E nder ko woni e arude ɗoo kon e hino ɗoo ƴi’al maaku maɓɓe on:

Bismillaahi rahmaani rahiimi


En fuɗɗorii innde Alla jooma yurmeende huuɓunde e hertiinde
Yettoore woodanii Alla seniiɗo, yo’o juulu e nelaaɗo makko Muhammadu e ɓeynguure maɓɓe laɓɓinaa nde nden  e sahaabankeeɓe maɓɓe suɓaaɓe ɓen e kala iwrtirɗo ɓaawo maɓɓe haa ñannde darngal.
musiɓɓe tedduɓe, duhiiɓe e suddiiɓe e nder tuɗɗere Aduna on fow.


Hajju on fii julɓe ɓen ko tummbondiral mantorgal heewungal tew yimɓe iwray ɓe cenɗe ɗen fow, ko tummbondiral wondungal norɗinaya ngal ɓerɗe ɗen e kulol yeeso Alla taguɗo on, Hajju on non ko farilla laaɓuɗo tedduɗo aduna yankeejo e laakhira yankeejo e jamaa yankeejo, immorde e yamiroore Alla nokku ka o daali: (Jantee Alla wano annditirton baabiraaɓe mo’on ɓen non, maa hara hino ɓuri), o daali kadi: (Jantee Alla e nder ñalaaɗe limaaɗe), ɗii piiji ɗoo fow ko hollata ko njuɓɓudiiji makko ɗuuɗu ɗi.


Oo farilla non mo maraa nanndo, holnagool jamaanu ngun e nokkuure ka hajju on waɗetee ɗon ko wano non ko hollir ɗun feeñu ɗun e hoodere jalbunde wallinay nde ɓerɗe yimɓe ɓen, awa ɗun ittay kulol e anngal ɓutti  ko yimɓe tooñooɓe ɓen addata e nder nokkuure nden, on tigi heɓa ɓuttu-ɓernde wonnde hay e huunde waɗataa mo e nder jamaanu hajju ngun.


Oo hajju annabi Ibraahiima mo lislaamu on addani julɓe ɓen ko fenñinirɗo teddungal e laaɓal ɓernde e wonugol julɓe ɓen huunde wootere, mawnugol mofte julɓe ɓen e fawagol ɓe e bawɗe Alla seniiɗo ɗe lannataa, Hajju on ka diina lislaamu ko yaltintinirɗo oo aaya mo Alla daali e mu’un (Ko ñaaɗuɓe e hoore heeferɓe ɓen, kono ko yurmondiray ɓe hakkunde maɓɓe), ko e hajju on nokku danndagol e heeferɓe ɓen  e yurmondirgol gomɗimɓe ɓen wona huunde wootere woni.


kamɓe laamiiɓe leydi ndin ɓe waɗii yahugol hajju ngol yahugol ndaarugol leydi maɓɓe ndin, ɓe suuɗii ngayngu hakkunde maɓɓe e jamaa julɓe Irani yankooɓe ɓen e leydi innde (waɗugol hajju ngun politiki), ɓee lamɓe non ko yimɓe jaasuɓe fussaaghiiɓe taway ɓe si nafa leyɗe njane ɗen ɗuytike, wano Amiriki ɓe diwnay. lamɓe leydi Arabi sawditi ndin hikka sakkike e laawol diina Alla kan e juulirde hormanteere nden ɓe jaɓaali jamaa julɓe irani yankooɓe ɓen yahugol hajju on, ɓe waɗii non bakkatuuji moolanaa ɗi, kono ko ɓe waɗiri ɗun ko fii no ɓe heddora ka jullere laamu hiwa Leyɗe bewɗe ɗen e nder Aduna on, welda e Siynunistu e Ameriki, etoo no waɗira ko ɓen ɗon faaletee kon, jooni non ɓe aamataa waɗude hay e huunde e fii hewtugol e on faale maɓɓe ɗon.


Jooni non waɗii hitaande gila faatunndeeji yurmu ɗi waɗunoo Mina ɗi tawata guluuji julɓe buy feƴƴinno ñannde julde Iidi donkin e ley naange , hino wattii conci horminir ɗi, toni mun hino yoori ɗonka, ko adii ɗun kadi seeɗa hari ka nder juulirde Makka buy kadi maayuno ɗon hari hiɓe e nder rewugol Alla juula wanngoo, e nder nokkeeli ɗin ɗiɗi non lamɓe leydi ndin maraa goonga, ɗun ko huunde nde tawata tawanooɓe ɓen fow e maruɓe pehe e yewtay ɓe fotti fii mu’un, hay woɓɓe goo wi’ii wonnde tawaare hino e nder mun, welsindagol non e danndugol barmunooɓe taway ɓe hari hino janngunde aayeeje Alla ɗen e nder julde Iidi nden, ɗun non ko fotta ɗun, ɓen yimɓe yooruɓe ɓerɗe Sawudi yankeeɓe ƴettuno ɓe wattidoyi e fureeji ɗin e nder nokkeli marirɗi fureeji ɗin, ɗoo yo ɓe ñawndu ɓe, ɓe walla ɓe, hay okkorgol ɓe ndiyan, ɓe accirɓe non haa ɓe maayi, ɓeynguureeji guluuji yimɓe buy iwruɓe e nder leyɗe buy mayraa, jamaaji maɓɓe ɗin aani sunii, ka nder leydi Iran ko ɓattii teemeɗɗe njowo feƴƴinno e nder mu’un, ɓeynguureeji maɓɓe ɗin kadi suniii, haa jooni yjamaa on hino sunii fii ɗun.


Doo yo lamɓe Arabi Sawditu ɓen ngantino, ninsa, ñaawa yimɓe bonnuɓe ndee bonnere moolanaa nde hulɓinii nde, hay waɗugol mojobere immorde e leyɗe ɗen fow fii anndugol ko honno ɗun feƴƴiri ɓe waɗaali, ɗoo yo ɓe wi’u ɓe tooñii, ɓe wi’u ɓe tooña, ɓe yaltintini ngayngu maɓɓe neeɓungu hakkunde maɓɓe e rewolisiyon Islamiki on, ɓe rewi laawi ɗin fow..


Hitooji maɓɓe ɗin, gila e politiki yankooɓe maɓɓe taway ɓe suusataa wowlude huunde yeeso siyonistiiɓe ɓen e Ameriki, haa hewti karamokooɓe ɓen ɓe rentaaki, ñaamay ɓe ko harmi taway ko e hoore ko laaɓi pos ɓe lunndotoo deftere Allan den e sunna nelaaɗo Alla on.. hiɓe etaande ko ɓe waawi kon fow fii wi’ugol wonnde ko rewolisiyon Islamiki iran on raɓɓinɗinii e fii naɓugol hajji yankooɓe maɓɓe ɓen.


Ɓe lamɓe memminay ɓe fitina non ɓaawo ɓe mooɓii feddiiji bonɗi ɓe jonniiɗi armuuji, ɗi naadii hawreeji e nder leyɗe julɓe buy, ɓe wonii sabu warugol e barmugol yimɓe buy ɓe wi’aa waɗaa woñaa hibba, wano Yemen, Irak e Sirii e Libii e leyɗe goo kadi ɓe tawata ƴiiƴan hibbaama e nder mu’un, ɓee politiki yankooɓe maɓɓe non anndaa Alla ko ɗun waɗi si ɓe waɗi njaatigiyaagal hakkunde maɓɓe e siyonistiiɓe ɓen, ɓe ommbii hunnduko maɓɓe ɓe fankii ko Palestiini yankooɓe ɓen wonaa e tooñeende kon, tone maɓɓe ɗen hewtii hay e koɗooli e ca’e leydi Baharayni ndin, ɓee lamɓe ɓe maraa diina alaa neɗɗanke yaagal adduɓe haa ko faɗi Mina kon waɗi e innde wonnde ko kamɓe woni kurkanaade Makka e Madiina, ɓe bonnii horma e hoolaare ko ɗii nokkeeli ɗiɗi wonndunoo kon, hoɓɓe Alla seniiɗo on sahinndinaama ñannde julde donkin Mina, ko adii ɗun kadi woɓɓe goo faatike ka nder juulirde Makka, haa jooni non hiɓe wi’ude wonnde Hajju on waɗaaka politiki, ɓe tooñira woɓɓe goo golle moolanaa ɗe ɗe tawata ko kamɓe waɗi maa ko kamɓe woni sabu waɗude, pellet ko kamɓe oo aaya ɗoo fewti, nokku ka Alla daali: (si tawii o huccitii o yaha ka nder leydi fii bonnugol e nder mayri..), Alla daali kadi: (Si tawii o wi’aama hulu Alla, townitaare nden ƴettira mo waɗugol bakkaatu, yiite jahannama ngen yonii mo..)


Hikka kadi tippude e Khabaruuji ɗin wattude e salagol guluuji sappo hajjiyanko e jamaaji leyɗe goo kadi, ɓe waɗii hajji yankooɓe leyɗe luttuɗe ɗen e nder aynugol ngol maraa hattoode e laawol masin tefindorɗo mo mo Ameriki e Isarayel moƴƴini, suudu Alla holndiindu ndun ɓe wattii ndu ndu holnaaki, leyɗe julɓe ɓen, haa hewti e jamaaji maɓɓe ɗin hino haani faamude lamɓe arabi sawditu ɓen moƴƴa, ɓe faama kadi anngal liimaanu maɓɓe ngun, ko bee ɗii bonnereeji ɗuuɗu ɗi ɗi ɓe woni e waɗude e nder leyɗe julɓe ɓen ɓe dartee, sabu ko ɓe tooñi hajjiyankooɓe ɓen kon ko bee miijitee ko honno julɓe ɓen kippirta Makka e Madiina e fii Hajju ko tawata ko farilla Alla, raɓɓinɗinagol non e nder ɗee golle ɗoo, accay janngo moftejulɓe ɓen e nder satteendeeji moolanaa ɗi.


musiɓɓe julɓe duhiiɓe e suddiiɓe, hikka hajjiyankoooɓe Irani yankooɓe ɓen alaa e yahude hajju, kono ɓerɗe maɓɓe ɗen hino wonndi e hajjiyankoooɓe layɗe luttuɗe yahay ɗe ɗen, hiɓe aanani ɓe, ɓe toranto ɓe Alla kadi wata o newnan lamɓe sawdi yankooɓe ɓen waɗugol ɓe ko boni, kamɓe kadi wata ɓe yejjitu siɓɓe maɓɓe Iraniyankooɓe ɓen ka nder toraaje maɓɓe e ka du’aaji maɓɓe, hara ɓe yejjitaali kadi toragol yo Alla ittu tooñe e satteendeeji e hareeji ɗi yimɓe townitiiɓe ɓen e sohoyonistu ɓe ɓen waɗi e hoore jamaaji julɓe ɓen.


Ka lannoode ɗoo, min tigi mi annintinay fii sahindinanooɓe Mina e ka juulirde Makka hitaande feƴƴunde e sahindinanoo ɓe e nder duuɓi feƴƴunoo ɗi, miɗo torii yo Alla yaafoɓe yurmee ɓe, okkora darjaaji moolanaa ɗi ka nder aljanna, mi salminii kadi Almaami Maadiyyu, mi ɗo torii ɓe kadi yo ɓe du’ano mofte julɓe ɓen fii no ɗe daɗira e fitaaji ɗin e boneeji ayɓe ɓen.


Yo Alla hawrindin en e sawaaba
Seriifu Ali Khamanayi
Sakkitoode sappordu Donkin hitaande 1437 fergu.

.............................

1. Suuratu bagharati, feccere aaya 200 (wano anninditirton baabiraaɓe mo’on ɓen maa ɓuri, annditiree non Alla..)
2. Suuratu Bagharati aaya: 25 feccere aaya on.
3. Suuratu Hajji, feccere e aaya 25
4. Suratu Fathi fecere e aaya on 29
5. suuratu bagharati aaya: 205 e 206.


Related Articles

Post your comments

Your email address will not be published. Required fields are marked *

*

عزای حسینی در عالم
Imam Khamenei demands immediate end to domestic wars in Islamic countries in his Hajj 2017 message
پیام امام خامنه ای به مسلمانان جهان به مناسبت حج 2016
We are All Zakzaky
telegram