Full Text;

Message of Ayatollah Khamenei to the Youth in Europe and North America in URDU language

Message of Ayatollah Khamenei to the Youth in Europe and North America in URDU

فرانس کے واقعات کے بعد؛
یورپی شمالی امریکی جوانوں کے نام رہبر انقلاب کا اہم پیغام :

بسم‌ الله الرّحمن الرّحیم

یورپ اور شمالی امریکہ کے تمام جوانوں کے نام

فرانس کے حالیہ واقعات، اور بعض دوسرے مغربی ممالک میں ایک جیسے واقعات، نے مجھے قائل کرلیا کہ آپ سے براہ راست بات چیت کروں۔

میں آپ نوجوانوں سے براہ راست مخاطب ہورہا ہوں؛ اس لئے نہیں کہ آپ کے والدین کو نظر انداز کرنا چاہتا ہوں، بلکہ اس وجہ سے کہ میں آپ کی قوم اور سرزمین کا مستقبل، آپ کے ہاتھوں میں، دیکھ رہا ہوں، نیز میں دیکھ رہا ہوں کہ آپ کے اندر حقیقت پسندی کا احساس زیادہ زندہ اور بیدار ہے۔

نیز اس مکتوب میں میرا خطاب آپ کے سیاستدانوں سے بھی نہیں ہے، کیونکہ میں سمجھتا ہوں کہ انھوں نے جان بوجھ کر سیاست کا راستہ صداقت اور سچائی کے راستے سے الگ کرلیا ہے۔

آپ سے میری بات اسلام کے بارے میں ہے، اور بطور خاص اسلام کے اس چہرے اور تصویر کے بارے میں جو آپ کو دکھائی جاتی ہے۔ گذشتہ دو عشروں ـ یعنی سوویت روس کی شکست و ریخت کے بعد ـ سے آج تک بہت زیادہ کوششیں بروئے کار لائی گئی ہیں کہ اس عظیم المرتبت دین کو ایک خوفناک دشمن کے مقام پر لاکھڑا کیا جائے۔

افسوس کا مقام ہے کہ مغرب کی سیاسی تاریخ میں خوف و نفرت کے جذبات ابھارنے اور ان جذبات سے فائدہ اٹھانے کی تاریخ بہت طویل ہے۔

میں یہاں خوف و ہراس کی ان اشکال پر بحث نہیں کرنا چاہتا جو مغربی اقوام پر مسلط کی گئی ہیں۔ آپ خود تاریخ کے تنقیدی مطالعات کا مختصر سا جائزہ لے کر دیکھ لیں گے کہ جدید تاریخ نویسی میں دنیا کی اقوام اور تہذیبوں کے ساتھ مغربی حکومتوں کی طرف سے روا رکھے گئے غیر دیانتدارانہ اور مکارانہ رویوں کی مذمت کی گئی ہے۔

یورپ اور امریکہ کی تاریخ غلام(پرور)ی کی وجہ سے شرمسار ہے، ان کا سر نوآبادیاتی دور کی بنا پر شرمندگی سے جھکا ہوا ہے اور رنگ دار نسلوں اور غیر عیسائیوں پر ظلم و ستم کی وجہ سے خجلت زدہ ہے؛ آپ کے اپنے محققین پہلی اور دوسری عالمی جنگوں کے دوران کیتھولک اور پروٹسٹنٹ کے عنوان سے مذہب کے نام پر یا پھر قومیت اور ملک کے نام پر، ہونے والی خونریزیوں کے پیش نظر، گہری شرمندگی اور خجلت زدگی کا اظہار کررہے ہیں۔

یہ بجائے خود باعث تحسین ہے اور میرا مقصد تاریخ کی ان ملامتوں کی طویل فہرست بیان کرنا نہیں ہے بلکہ میں آپ سے اپیل کرتا ہوں کہ جاکر اپنے دانشوروں سے پوچھیں کہ مغرب میں کیوں عام لوگوں کی ضمیر کئی عشرے یا پھر کئی صدیاں، تاخیر سے بیدار ہوتی ہے؟ یہاں سماجی ضمیر میں نظر ثانی کا تعلق دور دراز کے زمانوں سے تو ہوتا ہے لیکن حالات حاضرہ کے مسائل کو کیوں لائق توجہ نہیں سمجھا جاتا؟ اسلامی تہذیب و ثقافت اور افکار کے ساتھ طرز سلوک کی روش جیسے اہم مسائل میں، عمومی آگہی کے معرض وجود میں آنے کے راستے میں روڑے کیوں اٹکائے جاتے ہیں؟

آپ بخوبی جانتے ہیں کہ دوسروں کی تحقیر و تذلیل اور ان سے خوف زدہ کرنے کا رویہ، تمام تر ظالمانہ منفعت پرستیوں کا مشترکہ پیش خیمہ ہے۔

اب میں آپ سے پوچھنا چاہتا ہوں کہ ہراس انگیزی اور منافرت خیزي کا ہتھکنڈہ اس بار ـ بےمثل انداز سے اسلام اور مسلمانوں کو کیوں نشانہ بنائے ہوئے ہے؟ آج کے زمانے میں طاقت کا ڈھانچہ کیوں اسلامی تفکر کو دنیا میں دیوار سے لگانے کے درپے ہے اور اس کو غیر فعال بنانا چاہتا ہے؟ اسلام میں وہ کون سے معانی اور اقدار ہیں جو بڑی طاقتوں کی منصوبہ بندی کی راہ میں رکاوٹ ہیں؟ اور اسلام کی غلط تصویر سازی کی بنا پر [ان کے] کونسے مفادات پورے ہوجایا کرتے ہیں؟

پس میری پہلی اپیل یہ ہے کہ اسلام کے خلاف اس وسیع بد نمائی [اور اس کی بگڑی صورت پیش کرنے] کے محرکات کے بارے میں پوچھ گچھ اور تحقیق کریں۔

میری دوسری اپیل یہ ہے کہ منفی تشہیریی مہم اور تعصب آمیز رویوں کے سیلاب کے مقابلے میں اس دین کے بارے میں براہ راست اور بلا واسطہ شناخت و معرفت حاصل کرنے کی کوشش کریں۔

صحت مند منطق کا تقاضا ہے کہ کم از کم جان لیں کہ جس چیز سے وہ آپ کو بھگا رہے ہیں اور خوفزدہ کر رہے ہیں وہ در اصل ہے کیا، اور اس کی حقیقت و ماہیت کیا ہے؟

میں اصرار نہیں کرتا کہ اسلام کے بارے میں میرا یا کسی بھی دوسرے شخص کا تصور قبول کریں بلکہ کہنا چاہتا ہوں کہ کسی کو بھی موقع نہ دیں کہ وہ اس متحرک اور پر اثر حقیقت کو، آلودہ اہداف و اغراض کی روشنی میں، آپ سے متعارف کرا دے۔

آپ موقع نہ دیں کہ مکاری اور حیلہ گری کے ساتھ ان دہشت گردوں کو اسلام کے نمائندوں کے طور پر آپ کے سامنے پیش کیا جائے جو ان کے اپنے ہی گماشتے ہیں۔

اسلام کو بنیادی اور اصلی مآخذ اور درجۂ اول کے منابع کی روشنی میں پہچان لیں۔

اسلام سے قرآن اور اس کے نبی اعظم صلی اللہ علیہ و آلہ و سلم کی حیات و سیرت کے راستے سے متعارف ہوجائیں۔

میں یہاں پوچھنا چاہتا ہوں کہ کیا آج تک آپ نے مسلمانوں کے "قرآن" سے براہ راست رجوع کیا ہے؟

کیا آپ نے آج تک ذرائع ابلاغ کے علاوہ کسی اور ذریعے سے اسلام کا پیغام وصول کیا ہے؟

کیا آپ نے کبھی اپنے آپ سے پوچھا ہے کہ اسی اسلام نے، کن اقدار کی بنیاد پر کئی صدیوں کے دوران دنیا کی عظیم ترین علمی اور فکری تہذیب و تمدن کو پروان چڑھایا اور برترین و اعلی ترین علماء اور مفکرین کی پرورش کی؟

میں آپ سے اپیل کرتا ہوں کہ کسی کو بھی یہ موقع نہ دیں کہ اہانت آمیز اور گھٹیا تصویر کشی کے ذریعے "آپ اور حقیقت" کے درمیان جذباتی دیوار کھڑی کرے اور آپ کو غیر جانبدارانہ فیصلہ دینے سے باز رکھے۔

آج، جبکہ مواصلاتی اوزاروں نے جغرافیائی سرحدوں کو توڑ کر رکھ دیا ہے، کسی کو بھی موقع نہ دیں کہ آپ کو بناوٹی اور ذہنی سرحدوں میں محصور کر دے۔

اگرچہ کوئی بھی انفرادی طور پر [طاقتوں کی] بنائی ہوئی خلیج کو پر نہیں کرسکتا، لیکن آپ میں سے ہر فرد خود آگہی اور گرد و پیش کے ماحول کو آگاہ کرنے کی غرض سے، اس خلیج اور دراڑ کے اوپر فکر اور انصاف کا پل تعمیر کرسکتا ہے۔

اسلام اور آپ نوجوانوں کے درمیان پہلے سے تیار کردہ تقابل اگرچہ ناخوشگوار ہے لیکن یہ آپ کے متجسس اور متلاشی ذہن میں نئے سوالات کو جنم دے سکتا ہے۔

ان سوالات کا جواب ڈھونڈنے کی کوشش، آپ کو نئی حقیقتوں کی دریافت کے بیش قیمت مواقع فراہم کرتی ہے۔

لہذا، اسلام کی درست فہمی اور پیشگی فیصلوں سے فارغ ادراک کا یہ موقع ہاتھ سے نہ جانے دیں تا کہ شاید حقیقت کے سلسلے میں آپ کے احساس ذمہ داری کی برکت سے، مستقبل کے تاریخ نویس اسلام کے ساتھ مغرب کے رویئے کے موجودہ مرحلے کو کم آزردگی اور زيادہ آسودہ خیالی کے ساتھ رشتۂ تحریر میں لائیں۔

سیّد علی خامنہ ای

21 جنوری 2015۔

...............................

End/ 101

   

AhlulBayt News Agency - ABNA 

Full Text of The Message of Imam Khamenei to the Western Youth, in 40 Languages:

- The Message of Imam Khamenei to the Youth in Europe and North America, in ALBANIAN

- The Message of Imam Khamenei to the Youth in Europe and North America, in ARABIC

- The Message of Imam Khamenei to the Youth in Europe and North America, in ARANI

- The Message of Imam Khamenei to the Youth in Europe and North America, in AZERI (Cirilic)

- The Message of Imam Khamenei to the Youth in Europe and North America, in AZERI (Latin)

- The Message of Imam Khamenei to the Youth in Europe and North America, in BENGALI - বাঙ্গালী

- The Message of Imam Khamenei to the Youth in Europe and North America, in BOSNIAN

- The Message of Imam Khamenei to the Youth in Europe and North America, in CHINESE

- The Message of Imam Khamenei to the Youth in Europe and North America, in DANIISH

- The Message of Imam Khamenei to the Youth in Europe and North America, in ENGLISH

- The Message of Imam Khamenei to the Youth in Europe and North America, in FRENCH

- The Message of Imam Khamenei to the Youth in Europe and North America, in FULANI

- The Message of Imam Khamenei to the Youth in Europe and North America, in GEORGIAN

- The Message of Imam Khamenei to the Youth in Europe and North America, in GERMAN

- The Message of Imam Khamenei to the Youth in Europe and North America, in HAUSA

- The Message of Imam Khamenei to the Youth in Europe and North America, in HEBREW

- The Message of Imam Khamenei to the Youth in Europe and North America, in HINDI - हिंदी

- The Message of Imam Khamenei to the Youth in Europe and North America, in INDONESIAN

- The Message of Imam Khamenei to the Youth in Europe and North America, in ITALIAN

- The Message of Imam Khamenei to the Youth in Europe and North America, in JAPANESE

- The Message of Imam Khamenei to the Youth in Europe and North America, in KAZAKH - Қырғыз

- The Message of Imam Khamenei to the Youth in Europe and North America, in KURDISH

- The Message of Imam Khamenei to the Youth in Europe and North America, in KYRGYZ

- The Message of Imam Khamenei to the Youth in Europe and North America, in MALAY

- The Message of Imam Khamenei to the Youth in Europe and North America, in MYANMAR (Burmese)

- The Message of Imam Khamenei to the Youth in Europe and North America, in NORWEGIAN

- The Message of Imam Khamenei to the Youth in Europe and North America, in PASHTO

- The Message of Imam Khamenei to the Youth in Europe and North America, in PERSIAN

- The Message of Imam Khamenei to the Youth in Europe and North America, in PORTUGUESE

- The Message of Imam Khamenei to the Youth in Europe and North America, in RUSSIAN

- The Message of Imam Khamenei to the Youth in Europe and North America, in SINDH

- The Message of Imam Khamenei to the Youth in Europe and North America, in SPANISH

- The Message of Imam Khamenei to the Youth in Europe and North America, in SWAHILI

- The Message of Imam Khamenei to the Youth in Europe and North America, in SWEDISH

- The Message of Imam Khamenei to the Youth in Europe and North America, in TAJIK

- The Message of Imam Khamenei to the Youth in Europe and North America, in TALESHI

- The Message of Imam Khamenei to the Youth in Europe and North America, in THAI

- The Message of Imam Khamenei to the Youth in Europe and North America, in TURKISH

- The Message of Imam Khamenei to the Youth in Europe and North America, in URDU

- The Message of Imam Khamenei to the Youth in Europe and North America, in UZBEK


Related Articles

Post your comments

Your email address will not be published. Required fields are marked *

*

Imam Khamenei demands immediate end to domestic wars in Islamic countries in his Hajj 2017 message
پیام امام خامنه ای به مسلمانان جهان به مناسبت حج 2016
We are All Zakzaky
telegram